Iritsi da eguna!

Eta egin dituzte aurkezpenak! Azkenean sorpresaren bat eraman dugu, eta ona gainera eh! Aurkezpenak oso ondo joan dira. Datorren astean posterra eta robotaren misioak burutu beharko dituzte, eta guzti honetatik irtengo da talde irabazle. Oraindik guztia erabakitzeke dago!

Iritsi da proiektuak aurkezteko astea!

Halaxe da. Asteazkenean proiektu zientifikoen aurkezpena egiteko garaia da MicroFLL-ren barnean. Taldeak iada urduri daude, azken txanpan gaudela ikusita. Aurkezpenak ez daude guztiz prest eta bi egun besterik ez dira geratzen.

Lanean jo ta su!

Gaurko klasean ikasleak lan eta lan aritu dira, aurkezpenerako eguna geroz eta gertuago dagoela ikusita.

 

Badoaz pixkanaka.

Bi aste proiektuak aurkezteko!

Bi aste besterik ez dira geratzen taldeek beraien proiektu zientifikoak ikastetxean aurkezteko, hau da, ikastetxean MicroFLL ospatzeko. Bi egunetan egingo dugu. Azaroak 20an proiektuak aurkeztuko dituzte, eta Azaroaren 27an robotaren txapelketa izango dugu. Bigarren zati honekin ez dabiltza oso fin aurtengoan. Oraingoz diseinua egin dute eta aurrerantz mugitzen omen da, baina misioak...

Animo txapeldunak, gutxi geratzen da eta!!!

Hemen dira gure taldeak!!!

Azkenean hartu dugu argazki bat ateratzeko denbora! Hemen daude gelako hiru taldeak.

Zein talde izango ote da Zamudiora joango dena?!? Iada gutxiago falta da jakiteko. ANIMO!!!

Bagoaz pixkanaka

Dagoeneko hilabete bat pasatxo da lanean hasi ginela eta gauzak pixkanaka definitzen doaz, nahiz eta oraindik asko geratzen den. Datak baditugu. Abenduaren 14an izango da Euskadiko torneoa, beraz microFLL-ak azaroaren amaieran egingo ditugu bertatik ateratzen den irabazleak hobetzeko denbora izan dezan.

2 aste hauetan zer?

Iada gaur izan dugu 4. saioa eta lanak bideratuagoak daudela dirudi.

Gaur talde bakoitzeko 2 kide misioetarako estrukturak montatzen hasi dira eta asteazkenean bukatuko dituztela pentsatzen dut.

Taldeetan, beste kide batzuk misioak zertan datzan irakurtzen hasi dira, zeren estrategiak pentsatzen ere hasi beharko dute eta horretarako egin beharrekoak aztertzen hasi behar dira.

Proiektu zientifikoak ere aurrera doaz. Taldeetako bat suhiltzaileekin egon da eta atera dituzten ondorioek hasiera batean pentsatua zutena guztiz aldatzera eraman ditu. Beste talde bat maketa bat egiten ari da pentsatu duten saoluzioaren inguruan. Eta hirugarren taldeak norekin hitz egin pentsatu dute buruan dutena moduren batean aurrera eraman dezaketen ikusteko.

Bagoaz aurrera!!!

2013-2014 ikasturtea hasi da!

Bai, hasi da, eta honekin batera FLL (FIRST LEGO League) proiektu berri bat ere bai. Aurten ere DBH3-ko ikasleek hartuko dute parte eta joan den ikasturtean bezala Informatika ikasgaiaren barnean sartu dugu. Gainera aurten ikasle gehiago daude beraz ideia gehiago aterako dira ziur!!!

Klaseko lehenengo egunean proiektuaren berri eman nien klasean, eta egia esanda ikasleak nahiko harrituta geratu ziren, nik uste dut oso ondo ere ez zutela ulertzen zertaz ari nintzen. Agian testu orriak edo horrelakoak egitea espero zuten eta horrelako proiektu baten aurrean egoteak ezustean harrapatu zituen. Hala ere egun honetan behintzat azalpen orokorrak emateko denbora izan nuen eta taldeak egin zituzten, 3 oraingo honetan.

Ostiralean izan genuen bigarren klase ordua, eta hemen bai taldez talde joan nintzen ulertu ez zuten guztia azaltzen. Hau egin ondoren iada bai taldeak lanean hasi ziren eta proiektu zientifikoan pentsatzen hasi ziren. Aurtengo gaia "Nature´s fury" izenarekin aurkeztu digute, eta zein da helburua? Naturan gertatzen diren desastreak aztertzea. Dagoeneko zonalde batean pentsatu dute eta bertan gertatzen den desastreren batean. Hiru gai hauekin daude lanean taldeak:

• Galiziako suteak
• Martuteneko uholdeak
• Japoniako lurrikarak

Hauen zergatia ari dira aztertzen eta norekin hitz egin dezaketen informazioa lortzeko pentsatzen.

Aurtengoan gainera FLL-ren formatua piska bat aldatu da. microFLL izenekoa izango dugu lehenik, eta hau ikastetxean bertan izango dugu. 2 talderen artean egingo da eta hauetako bat izango da klasifikazio torneora joango dena. Baina beno, piskanaka-piskanaka!